میں صورت ِ گُل دستِ صبا کا نہیں محتاج​
کرتا ہے مرا جوش ِ       جُنُوں میری قبا چاک​
علامہ اقبال

اُردو کا  شمار دنیا کی اُن چند زبانوں میں ہوتاہے  جس کے بولنے والے دنیا کے تقریباً تمام ممالک میں پائے جاتے ہیں۔جب کہ  اِسے پاکستان کی قومی زبان  ہونے کا اعزاز  بھی حاصل ہے۔آج  انسانی سوچ اور فکرہر شعبہ ٔ زندگی میں انسانی مسائل کی گتھیاں سلجھانے میں مصروفِ عمل ہے۔ پرانے نظریات کی کوکھ سے نئے نظریات جنم لے رہے ہیں ،جب کہ   ٹیکنالوجی   ہر  شعبۂ زندگی کی ترتیبِ نو کر نے میں مگن ہے۔  اس بدلتے دور نے تعلیم و تدریس کے شعبہ کونئے تصورات اورجدید طریقہ ہائے تدریس سے ہی مزین نہیں کیابلکہ ٹیکنالوجی نے اس کے رنگ ڈھنگ ہی بدل کر رکھ دیے۔مگر افسوس کے ساتھ کہنا پڑتا ہے کہ اُردو تدریس کا مر مریں تن            ابھی بھی قدیم قباؤں میں ملبوس ہے ۔اُردو   اساتذہ  کی اکثریت کی   تدریسی الماریوں میں وہی پرانے طریقہ ہائے  تدریس اور بچوں کے بستوں میں وہی غیر دل دچسپ وسائل بھرے ہوئے ہیں  ۔ اگر کوئی استاد معیاری اور جدید نظریات و رجحانات پر مشتمل وسائل یا تربیت کی تلاش میں نکل ہی پڑے تو اُسے ناکامی کے ساتھ ساتھ دقیانوسی مفکرین کی دل شکن تنقید کا سامنا بھی   کرنا پڑتا ہے۔
یہی وہ پس منظر ہے جس کی وجہ سے ہم نے فیس بک  کے ایک گروپ سے کاوش آن لائن اُردو لرننگ سنٹر کی بنیاد رکھی۔ اور اب اسی سلسلے کی کڑی یہ ویب سائیٹ  ہے۔